Ֆրանչիսկոս Պապին այցելած վայրերը. Չեսթեքովա` քաղաքն ու թեմը

(Ռատիօ Վատիկան) Հինգշաբթի, 27 յուլիսին, Քրաքովիա կատարած առաքելական ճամբորդութեան ծիրէն ներս, Ֆրնանչիսկոս Պապ այցելեց Չեսթեքովա-ի քաղաքն ու անոր մէջ գտնուող Jasna Gora - յստակ լեռ՝՝ անուան Սեւ Տիրամօր սրբավայր։

 Չեսթոքովա քաղաքը կը գտնուի 317 մթ ծովու բարձրութեան վրայ, անոր բնակիչներուն թիւն է 238,048։ 

Դարերուն ընթացքին քաղաքը ենթարկուած է շատ մը յարձակումներու , եւ կործանումներու։ Ողբերգական պատերազմներու շարքին արժանի է յիշել Պօղոսեան միաբանութեան պատկան Եազնա Կորա վանքի վրայ յարձակումը Շուետացիներու կողմէ ՝ 1655 թուականին։

Այժմ՝ քաղաքը նկատուած է մշակութային եւ առեւտրական գետնի վրայ Լեհաստանի կարեւորագոյն քաղաքներէն մին։ Քաղաքը հռչակաւոր է  նաեւ Եազնա Կորա Տիրամօր նուիրուած սրբավայրով։

 Չեսթեքովայի եկեղեցական կառոյցը

 Չեսթեքովայի թեմը հիմնուած է 28 հոկտեմբեր 1925-ին, կաթողիկէ հաւատացեալներուն թիւն է 807.180։ Ունի 311 ժողովրդապետութիւններ, 3 եկեղեցիներ կամ միսիոնարական կեդրոններ։

Թեմի քահանաներուն թիւն է 714. իսկ կրօնաւորուհիներուն՝ 848։ Թեմը կը գործէ իր 51 դաստիարակչական կեդրոններով եւ 711 բարեսիրական կառոյցներով։ Վերջին տարուան ընթացքին մկրտուած են 7430 հոգիներ։

 Թեմին արքեպիսկոպոս է գերապայծառ Վաքլօ Տեփօ, ան ծնած է 27 սեպտեմբեր 1953-ին, քահանայ ձեռնադրուած է 3 յունիս 1978-ին, ապա եպիսկոպոս ընտրուած է 5 օգոստոս 2006-ին։